Prentsa
Press trips
Eskerrik asko gure hiriarekiko, Donostiarekiko, agertutako interesagatik. Aterako den erreportajea arrakasta bihur dadin poz handiz lagunduko dizugu. Ahalik eta elkarlan onena izatea bermatzeko, irakurri, mesedez, partaidetzako baldintza hauek:
Bete eskaera-formularioa
Urte osoan prentsako eskari ugari jasotzen dugu. Horregatik, garrantzitsua da zure komunikabidearen audientzia-profila eta datuak biltzen dituen formularioa betetzea zure eskaera ebalua dezagun. Prentsako bidaia batean parte hartu ahal izateko, ezinbestekoa da erreportajearen argitalpena komunikabidearekin baieztatuta egotea.
Prestatu aldez aurretik zure prentsako bidaia
Mesedez, zurekin lankidetza izatea nahi baduzu, garrantzitsua da behar adinako aurrerapenez jakinaraztea bidaia-egitaraua prestatu, baliabide turistikoekin harremanetan jarri, erreserbak egin eta abar egin dezagun. Horregatik, mesedez, egin eskaera gutxienez sei aste lehenago.
Egiaztapen-gutuna
Antolatzen ditugun prentsako bidaietan, hiriko turismo-baliabide ugariri lankidetza eskatzen diogu. Lankidetza justifikatu ahal izateko, zure eskaera Donostiari buruzko erreportajea argitaratuko duzun komunikabideko editoreak/zuzendariak egindako egiaztapen-gutunaren bidez bermatzea eskatu nahi dizugu. Era berean, azken hamabi hilabeteotan argitaratutako gutxienez bi erreportaje bidaltzea eskertuko genizuke.
Press Kit-a
Hirira iristean, press-kit bat emango dizugu; kitak hiriko planoa, oporretako gida eta prentsa-txostena biltzen ditu. Gainera, eskatzen diguzun beste edozein informaziorekin laguntza eskain diezazukegu.
Laguntza Donostiara iristeko
Atzerrian dauden Espainiako Turismo Bulegoek (OET, gaztelaniaz), kasu batzuetan, Donostiara egiteko bidaietan laguntza eskain dezakete. Nahi baduzu, zure eskaera baloratu ahal izateko hitz egin beharko zenukeen harremanetarako pertsonaren izena eman diezazukegu. Dagokizun bulegoari buruzko informazioa hemen ere topa dezakezu.
Ostatua
Kazetarien ostatua kudeatu ahal izateko, bazkide diren hotelekin lan egiten dugu. Beti ezin ditugu egonaldiak doan eskaini; izan ere, hotelen interesaren esku egoten da hori.
Saiatu goi-denboraldian ez aukeratzen
Ez ditugu babesten prentsako bidaiak goi-denboraldian (ekaina, uztaila, abuztua eta iraila) edo ekimen eta jaialdi nagusiak antolatzen diren datetan; izan ere, hiriko turismo-baliabideak eta ostatuak beteta egoten dira egun horietan.
Filmazioak eta argazki-saioak
San Sebastián Film Commission. Donostian, filmazioekin eta argazki-saioekin lotutako baimenen inguruko guztia kudeatzen duen agentzia bat dago. Informazioren bat behar izanez gero:
Zure press trip-a antolatu nahi duzu?
Bete hurrengo formularioa