Donostiak Valentzia bisitatu du turismo arloko adimenaren, jasangarritasunaren eta gobernantzaren inguruan lan egiteko
- Azteazkena, 07 Uztaila 2021
Lehengo asteko ekainaren 28 eta 29an, Cristina Lagé eta Isabel Aguirrezabala Valentzian izan ziren turismo jasangarriaren, turismo arloko inteligentziaren eta gobernantzaren inguruko haien proiektuak partekatzeko asmoz. Lan-saio hartan izan ziren Emiliano García, Valentziako Turismo eta Nazioartekotze saileko zinegotzia, eta Antoni Bernabé, Visit Valencia fundazioko zuzendaria. Landutako gaietako batzuk izan ziren turismo-jardueraren karbono-aztarnaren kalkulua, digitalizazioa, turismo-informazioko sistemaren aldeko apustua edo partaidetza-tresnak.
Cristina Lagéren hitzetan, “lehengo astean Valentzian izandako laneko jardunaldi luzeen ostean, turismoko sistema jasangarriaren aldeko apustua egin duen eta gobernantza-sistema ezberdina duen erakunde batengandik ikasteko aukera izan genuen. Sistema hori agian Donostian aplikatzeko aukera aztertu behar dugu, gure turismoa are hobea izan dadin”.
Hirien arteko trukeak eta topaketak funtsezkoak dira turismoguneen artean sinergiak sortzeko eta etorkizunera begirako lankidetzak eta ekintzak finkatzeko.