Donostiak eta Malagak elkarrekin sustapen ekintzak garatzeko lankidetza hasi dute
- Asteartea, 06 Uztaila 2021
Donostiako Turismo Jasangarriko zinegotzia, Cristina Lagé; Donostia Turismoako zuzendaria, Isabel Aguirrezabala; eta Malaga hiriko Turismoa eta Sustapen saileko zinegotzia, María Rosa Sánchez, Donostian bildu dira etorkizunera begira elkarrekin sustapeneko ekintzak, batez ere haien gastronomiekin lotutakoak, lantzeko asmoz.
Iazko udazkenean hasi zuten lankidetza, Donostiako Turismoko zinegotziak, Cristina Lagék, laneko saio baterako Malaga bisitatu zuenean. Bertan, bi hiriek haien eredu turistikoak eta gastronomiarekin eta kulturarekin lotutako jardunbide egokiak partekatu zituzten.
Cristina Lagéren hitzetan, “Malaga eta Donostia askoz ere gertuago daude iazko urritik, gure laneko saioak hasi genituenetik. Pentsa dezakeguna baino askoz ere gertuago gaudela ohartu ginen. Ondorioz, hemendik aurrera, iparraldea eta hegoaldea, laster aurkeztuko dizkizuegun eta oso etorkizun oparoa iragartzen duten planen inguruan lanean ari diren bi hiri izango dira”.